مطبـــــــــــق سمك زبيدي اكلة كويتية شهيية

الاداره تاريخ التسجيل : 13/04/2012

السلام عليكم ورحمة الله وبركاته

مطبق سمكـ زبيدي (اكله كويتيه)

الطريقه

عدد 3 سمكات زبيدي

- نغسل السمك من كل الشوائب .

- نعصر عليه ليمون و نرش عليه ملح

- حشوة السمك :

( 2 بصل كبير ، 2 ثوم ، كزبرة ، بقدونس ، شبنت ، بهارات السمك ( مشكله ) ) طبعا نقصصهم صغار صغار وندق الثوم ونحط نص الكميه حشوة داخل السمك ومن برى ونصها نخشه لبعدين الحشو فوق العيش ..

- الآن بنسوي الحشو للعيش ندق شوية ثوم + بصلة وحده + شبنت وكزبره كميه قليله قد الكف

- نخيط السمك من الجانب الذي حشيناه حتى يثبت الحشواثناء القلي
- نحط زيت على النار تقريبا نص المقلى ونطبق المقلى ونعلي على النار حتى يسخن الزيت ثم نقلي السمك حتى يتحمش الطرف الاول ونقلبه على الطرف الثاني
- نكرر العمليه على عدد السمك اللي عندنا ثم نطفي النار ونحفظ السمك بمكان دافي ..

حشوة الرز

- لقلي حشو الرز ( العيش ) نحط البصل في المقلى بدون زيت ونقلبه على النار وبعدها نضيف شويه ماء حتى يتحمش يصير لونه بني
- نضيف الثوم + نص قطعه زبده + لومي اسود مطحون + بهارات مشكله + رشه هيل + ملح على قد اليد + كزبره + شبنت + الحشو اللي احتفظنا فيه من حشو السمك ونخلطهم كلهم مع بعض بالمقلى حتى يصير لونه حلو مثل الصوره ونقفل على النار ونطبقه ..

الدقوس

- نحط قدر الدقوس على النار ونحط فيه نص زبده ونقطع5 طماط قطع صغيره جدآ +4 فصوص ثوم مدقوق + فلفل بارد + كمون (بهارات ) + كزبرة ( بهارات ) + بهارات مشكله + نضيف ماء بالقدر + نضيف ملح على قد اليد +نضيف معجون ملعقتين تقريبا .

- 5 اكواب عيش(رز ) مغسوله ومنقوعه نص ساعه
- قدر متوسط نملأه ماء وليمونه مقسومه نصين +نص زبده + ملعقة ملح وبعد ان يغلي نضيف شويه زيت

- نحط قدر ثاني كبير اول شي نحط فيه نص بصله مقطع صغار + فلفل بارد أي لون سواء اصفر اخضر احمر + ملح + ثوم + زيت + حشوة اخر ما تبقى من حشوة السمك بعدين نحط السمك فوقه
-بعده نحط العيش (الأرز) المنقوع بعد تصفيته من الماء
-وبعدين نضيف عليه الماء اللي بالقدر الثاني اللي فيه الليمون والزبده نحط منه كميه فوق العيش (الأرز) حتى يغطيه ويكون الماء مرتفع بأصبع تقريبا عن العيش (الأرز) ونطبقه ونخليه يطبخ بدرجه حراره مرتفعه ..
- بعد ماينشف شوي العيش (الأرز) نحط فوقه الزبده

وكل ما حسينا انه نشف زدنا عليه ماء العيش (الأرز) اللي بالقدر الثاني ..

- نغرف الأرز ثم السمك ثم الحشو على الوجه

والف صحة وعافيه

الاداره تاريخ التسجيل : 01/12/2011

مفاهيم الخجل

والله شهيتيني

عاشت الايادي للنقل الرائع والمشهيــ

الاداره تاريخ التسجيل : 13/04/2012

ريانة

[ندعوك للتسجيل في المنتدى أو التعريف بنفسك لمعاينة هذه الصورة]

» ألعـاب كويتية قديــمة تراثية