مشتاق لها (N)

تاريخ التسجيل : 15/11/2012

هزيت جذع الذاكره وحسبك طحت
واثاريها دموعٍ بهزة الشوق طاحت
ياللي على طول البطى بعد مارحت
شوف الظنون بغيبتك وين راحت
شفني من الاحساس قلبي توشحت
مشاعري من طيب الاحساس فاحت
بسمك تعطر هالمسا لين مااصبحت
واصبحت نفسي من مساك استراحت
ياحلمي الي فيه مايوم انا افلحت
فيه الليالي كل مافبالي شاحت
وصلك على كل المفاهيم رجحت
هقواتنا وشلون عنا تناحت
الحب ذ قته والغلا منك مالحت
وأنفاسنا من لوعة الشوق سا حت
لو كان ماصوت بسمك ولاصحت
أصواتنا مع طول الايام صاحت
في غيبتك ماأقول انا طبت وارتحت** كلي جروح في غلاك استباحت
سهم الوفا عند الوفي مانزل تحت ** لو الظروف بسهم الاحزان لاحت
عن هاجسي في لحظة الشوق لمحت
حتى الملامح في خفا الشوق باحت
وعن شوفتك مايغني الرسم والنحت
اذا الفرص في شوفتك ماتاحت
عن هاجسي في لحظة الشوق لمحت
حتى الملامح في خفا الشوق باحت
لاحت مواري جيتك ونت مالحت
الليل ودع والأماني تظاحت