مدونة البدر الشاعر بدر بن عبدالمحسن

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

مابقى لي قلب يشفع لك خطية..!!

......................ذوبته جروح صدك والخطايا..!!

صاحبي بالله لا تعتب عليه..!!

......................العتب ماعاد تاسعه الحنايا..!!

كل جرح فات لي منك هدية..!!

......................وش بلاك تخاف من رد الهدايا..!!

الله أكبر كيف مالك مقدرية..!!

......................وكل ماتحمله من همي بقايا..!!

لاتمنيني سراب المهمهية ..!!

......................القراح اليوم مايروي ظمايا..!!

وإن غدى للـ حب فـي قلبكـ شظية ..!!

......................وش يقول اللي غدى قلبة شظايا..!!

تاريخ التسجيل : 13/08/2012

ثقلت خطاي وكن الايام فوقي
صخر الجبال وتحتي الريح والعج

لا والله الا صار ما ارجيه عوقي
غير الذي عن طلبته ما اتحرج

يالله يا مضوي السما بالبروقي
ويا مخرج وبل السحابه من اللج

تمطرني برحمتك وتفك عوقي
وتجعل لي من الضيقات والهم مخرج

انا مثل حر تخاطه سبوقي
يد العمر والياس والحظ الاعرج

كم غارة صاليت وافتك نوقي
وكم طعنة عانيت من غير ما احتج

ويا ما رفيت من الليالي فتوقي
ويا ما عطيت وللعطا كنت الاحوج

مرحوم يا من شيمته في عروقي
دم ..وفي فكري سجاياه منهج

مشيت دربك لين وقف خفوقي
من التعب ما ابعدك يالفجر الابلج

تاريخ التسجيل : 13/08/2012

قصه أغنيه المسافر لراشد الماجد... فعلا حزينه

في يوم من الايام جاء شاب اعمى ودخل على الشاعر

الامير بدربن عبد المحسن وقاله قصته...

كان خالد و ساره يشكلان أحلى ثنائي على وجه الأرض

وكانت السعاده تغمرهم من كل جهه ولاكن كما نعلم السعاده لاتدوم

يقول الشاب انه يحب بنت عمه موت وراح خطبها من ابوها

طلب منه مهر خرافي او ما ياخذ بنته

وبما ان الشاب يحب بنت عمه راح وجمع الدراهم الي يبيها عمه

ورجع تقدم لها مرة ثانية

رفض بشده بإحتجاج أن قبيلته لا تؤمن بالحب قبل الزواج

فعاد خالد با ئسا لايعرف ماذا يفعل ومانهاية هذا الحب

وعندما علمت ساره عن رأي والدها أصيبت بخيبة أمل

البنت من كثر ما تحب ولد عمها والاب حارمها ياها المرض

الخبيث الله يكفينا شرررره جميعا فمرضت بعدها وعرضت

على أكثر من طبيب ولكن دون جدوى

فكان علاجها يستوجب السفر إلى الخارج

وفي هذي الحظة حس الاب انه غلطان وندم

وقرر انه يعالجها بس البنت رفضت العلاج

وقالت وشالفايده اعالج وليه اعيش من دون ما اخذ الي ابي ؟

الاب وعدها ان شفت راح يعطيها الي تبي

فرحت البنت وخلاص تبي تسافر

المفاجأة

وفي الطائره توفت ساره وعندما علم خالد ولد عمها عن وفاتها

لم تتوقف عيناه عن البكاء حتى إختفى لون عينه

وصار اعمى؟

كتب الامير كلمات تشيب الراس صراحه

وهي كلمات المسافر راح

اسمعوها وخصوصا لما يقول

يا الله يا قلبي سرينا ضاقت الدنيا علينا

وبعد

لما يقول

هذا وجهك يالمسافر لما كانت لي عيون

وينها عيوني حبيبي سافرت مثلك حبيبي

يقصدعندما يتذكر خالد وجه محبوبته ساره أنه صار أعمى

**********

وهذه الكلمات التي تمثلها

**********

لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
القطار وفاتنا
والمسافر راح

مادري باكر هالمدينة وشتكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي
سافرت مثلك حبيبي
القطار وفاتنا
والمسافر راح

تاريخ التسجيل : 13/08/2012

يطري عليه الوله واطري على باله

يا مرحبا لي ضوى خلي على بابي

هجيت حدب الضلوع ونوخ جماله

لجله بكيت دمعتي ولجله ضحك نابي

كل ما ضحكلي لمح النور فماله

ولا تجت همسته السقم في ثيابه

كل ما شكى من على همه وغرباله

اقول له عن جرحن من اسبابي

طال الحكي ما لقيت الوصل في وصاله

لا اني حبيبه ولا اهو اقرب اصحابه

ناديت له لا مني حزين وحالتي حاله

يكفيك همك وانا بصبر على بابي

لو للشجر له نسيم تباري ظلاله

ما حرق القيض جفني وانت فهدابي

يالبيييه على عبدالكريم صووت خراافي وربي

تاريخ التسجيل : 13/08/2012

يا صاحبي ..
ما في الهوى راحه ..
احذر تبيع القلب لجراحه
مسكين من قال الهوى جنه ..
يومين ويغير هواه ظنه ..
ويقول ما في الهوى راحه يا صاحبي ..
بحر العيون خذنا معاه مشوار ..
موجه غدى بينا ..
بحر العيون لا توهق البحار ..
يبعد عن المينا ..
ويا صاحبي ما في الهوى راحه ..
عمر الزمان ما لوع المشتاق ..
والله الزمن مظلوم
كيف الحنان يقسي على العشاق ..
صار الضنى مقسوم ..
ويا صاحبي ما في الهوى راحه

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

واطيري اللي زودوا فيه الأثمان

اشعل ظهر والصدر يجهر شعاعه

لو له شبيه في الملى هو غزالان

راجي عل زينه يزود بشـجاعــه

خذته ولاني يا هل الطير ندمان

من عادتي ما نيب اسوم البضاعه

الى ركز في مجلسي طير حوران

وتجمعوا عندي كثير الجماعه

وشلته على كفي كثير الغثا هان

عندي غدى للهم مثل المناعه

لا صرت فيما تطلب النفس بلشان

اترك طمان القاع وارقب برفاعه

وباكر تصاريفه على عالي الشان

من يضمن الدنيا ولو ربع ساعه

تاريخ التسجيل : 13/08/2012

كـل أرضٍ تشيلك يـا ثـقيـل الحمــول

وكل وقتٍ كريمٍ بالرضا والزعل

وين مـارحت تلقى لك حبيب وعـذول

وين ما كنت تلقى مثل ياسـك..أمل

ياطـريق الترجي والوله والـنـحول

والله إني مـشيـتـك... لـين حد الـثـمل

مالقيت فوصولي لغـير قــبري وصول

ولا عـرفت فـحياتي مثل عرفي الجهـل

لا تظـن المـسافر مـن يسوق الـرحول

مـن وقف دون حلمه عاجزٍ ما رحـل

وما لمخلوق منجا في الحذر والجـفول

مـا تـصيب السـهام ولا يـطـيـش الاجــل

الـلـيـالي خـــــوات.. مــير مـنـهـي البـتــــول

والحــوادث عـشــــايـر مـير ويــن الفـحـل

ليلةٍ لـك .. وليله بـالفـــرح مــا تـطـــــــول

ولـيـلـةٍ مـن شــهــدهــا ذب راس الــجبـــل

أتذكّر في عين الشمس طفــلٍ خـجـــول

شـالـتـه فــي هــدبــهــا وقـت لــين إشـتـعــل

أعجب الناس وهجـــه بالجــدل والفـضــــول

ما دروا عن (جمـــال الجـرح) لــين إنـدمــل

والله اني كتـبـتـه في العطــش والذبـــــول

لــين غــصــنــه تــعـــدل بـالــورق وإعـتــدل

والله إنـي كــتـبـتـه لــــين قـــــــال الجـهــــــول

والله إنـي كـتـبـتـه وانــتــشـى واحـتـفــل

ما أتفه الشعر كانه هالحكي اللي نقول

لا تـعـدى الــمــــديــح ولا تـعــدى الـغـزل

إن لثمت الزهــــــور وصــــاحبتني الحقــــول

مـاهقيت ان صافـي الشهـد عيب النحل

مابقى في ضلـوعي كود ريـح مـعـمــــول

وثــــوب شـاشٍ عـليه مــن النــدامـه وحــل

ألـتـفـت للـطــــريــــق ومــا عـــبر مــنــه زول

فـــي جـفــوني تـزاحم عبرتي والـوجــل

طـلـت يالعـمر والا قــلــعـتـك لا تـطـــــــول

طــاولــتـنــا الـلـيــالي بالـســــهــر والــمــــلـل

إن تـعـبـنــــا نـــحـب ولا لــقــيــنــا قـبـــــــــول

مـا تــسـر الامـــانـي .. ولا يـفيـد الـعــذل

لكن .. الله كريم وكل همٍ يزول

مـا على الله بعيد .. ولا جـفـاك الـمـحـل

كـل أرضٍ تشيلك .. يـا ثـقيـل الحمــول

وكل وقتٍ كريمٍ بالرضا والزعل

تاريخ التسجيل : 13/08/2012

تاريخ التسجيل : 13/08/2012

ليتي معك دايم روحي ف هواك هايم

واخفيك مع روحي آمالي وجروحي

وانت السهر والليل وانت القمر وسهيل

وانت سبب نوحي ..

ومالي في هواك لايم ليتي معك دايم

ليتي معك خطوة تمشي لهواك دروب

ونسمة هوى حلوه تحيي الأمل ف قلوب

ليتي معك وارتاح وانسى الضنى اللي راح

واخفيك مع روحي آمالي وجروحي

وانت السهر والليل وانت القمر وسهيل

وانت سبب نوحي ..

آه من الهوى والليل في عيونك السودا

غربه ومالي دليل والخطوه معدودة

والله الزمان غلاب والبسمه محسوده

ونور الأمل كذاب والراحه مفقوده

واخفيك مع روحي آمالي وجروحي

وانت السهر والليل وانت القمر وسهيل

وانت سبب نوحي ..

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

مالهم صوت..!
غربوا.. والزمان سكوت .. ليتهم ماقربوا !
وهقوني بالوصل .. علقوني بالأمل
هذا شيء لايحتمل..
التجافي موت..!

تاريخ التسجيل : 13/08/2012

سألتك لحظةٍ بيضاء..! حبيب .. وحاجبٍ مفلول

وصدقٍ يعتق إبهام الندم .. من عضة سنوني

وأنا المنثور فوق البيد تجمعني تعب .. ونحول

وتسأل عرقي اليابس : متى عافتني غصوني..؟!

تكلمّ..!

طال صبري في إنتظار المر .. والمعسول

تكلم لين يخدعني يقيني ..

وتصدق ظنوني

حبيبي.. شالوا عيوني هلي والراحلين حمول

وقـفّـوا..ما بقى لي غير " قلبي" داخل جفوني..!

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

ترى فرقى الأحبه [شين]

سهرنا والهوى واحد .. وصرنا والفراق إثنين!

حبيبي.. قلبي اللي كان

وفينا.. والزمن خوان..!

صبرنا والسؤال سنين..?!

سقا الله روض خلاني .. رحلت وما رحلتوا :-

بعين

....ولا روحٍ

............ ولا وجدان..!

نسيتوا بداركم إنسان.. نسيتوا وما نساني البين !

تاريخ التسجيل : 13/08/2012

طريقنا واحد ..

امشيه .. معي ..

أحباب .. كانك تبين ..

أصحاب .. اللي تبين ..

يكفي متى .. ما توصلين

تتذكرين ..

إنك حزينه .. وانا حزين

كافي كلام ..

مابي .. وعد ..

أو التزام ..

طريقنا يمحي الظلام

نمشي مسافات الرجوع

ودرب الهوى كله خضوع

ارمي الجرايد والهموم

لا تجبري عيونك تنوم

لا واسمعي همس النجوم

وهم الوداع .. وكثر الحنين

وكافي كلام .. مابي وعد

أو .. التزام

تاريخ التسجيل : 13/08/2012

تاريخ التسجيل : 13/08/2012

ودي اختار.. الليله درب ..

ما تعرفه ..

ودي اجلس في مكان ..

ما يذكرني بصدفه ..

أو وعد ..

ودي أحكي يا حبيبي .. مع احد ..

غيرك احد ..

لجل النهار .. وحريتي ..

اعطيني .. لحظة اختيار ..

وحدي وغديت أنت الزحام ..

وحدي أبد .. وانت الكلام ..

نورك وما غيره .. ظلام ..

عذب الحروف .. طاغي الطيوف ..

أبعد عن عيوني .. بااشوف ..

لجل النهار .. وحريتي ..

اعطيني .. لحظة اختيار ..

ابي درب .. مايوصلني لدارك ..

ابي وعد .. ماحتمل فيه انتظارك ..

وابي ليل .. مايجي بعده نهارك ..

ودي ادري .. هي حياتي ..

اختياري .. أو اختيارك ..

ودي انسى .. ليله وعدك .. أنسى وعدك .. ماأجيك ..

وش يضرك .. لواخونك .. مره واختارك عليك

تاريخ التسجيل : 13/08/2012

تذكرِينْ !!

تَذكرِينْ الوَدآع !!

الليْ وَصفتِيه بِ ' ضَيآع '

وَ طآرِيْ الفَرقآ آ

اللِي كِنتيْ .. تكرِهينْ !

تذكِرينْ هَذآآآك .. الليّ يَنوووووومِك ..

وتُوعدِينَه .. فِيه بِ تَحلمِينْ !!

يَ عزّتيْ لَه !

هَذا هُو بِ كلّ حَيله

( يَصرخّ ) وآنتِي , ولآ تَسمعِينْ !‏

كنتْ آسولِف لِك ..

وكنتِي تَخجلِينْ ..‘

يَوم اشّر لكْ علىَ صدرٍيْ ...

وآقُول :

........ منْ هُو هِنآ !!

........ مَن هُو هِنآ !!

كنتْ انآظِر فِيْ عُيونك ...

ومنْ خَجلك ... تَغمضِينْ !

وَ هذِيْ اللّيلهَ آسولِف لِ الغيآبّ

كآنتْ هِنآ ..

كآنتْ هِنآ ..

كآنتْ هِنآ ..

ولِ الأسسَسسفْ ...

مآتسمعيـن ... !!

تاريخ التسجيل : 13/08/2012

لا تعاتب .. ما اقدر أتحملك عتابك ..

قلبي ذايب .. وانت تشكي لي عذابك ..

بس لو تسأل عيوني .. راح تبين لك شجوني ..

لو أغير يوم حياتي .. عن هواكم ما تغير ..

إنت أغلى ذكرياتي .. انت غيرك ما اتخير ..

بس لو تسأل عيوني .. راح تبين لك شجوني ..

لا تعاتب .. لا تعاتب ..

نور حياتي في رضاك .. والسعاده كلمه منك ..

شوف هنايا في هواك .. لما نلتوا بحسن ظنك ..

بس لو تسأل عيوني .. راح تبين لك شجوني ..

لا تعاتب لا تعاتب ..

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

عز الكلام ..

عز البكا والإبتسام ..

عز العتاب ويا العذاب ..

حتى الندم ذاب والأمل أصبح عدم ..

لما خلت كل الدروب ..

لما إنطوت .. شمس الغروب ..

وضيع معاه قصة هوى ..

وعز الهوى حتى على أهل الهوى

عزت على عينه الدموع .. عند الوداع

سلم يإيده للهوى .. سلم وضاع ..

تحت الليالي ضاع وانتهيت .. يا حب غالي ..

وضيع معاه قصة هوى ..

وعز الهوى حتى على أهل الهوى ..

ياما إبتسامه عاشت زمان ..

في عيون حبيبي .. ذبلت في يوم ..

وياما الملامه .. قست حنان ..

في قلب خايف .. جرحه يهون

وياما الهوى عذب كثير ..

لكن بقي فرحه كبير

إلا حبيبي .. عزت عليه ..

دمعة وداع تملا عينيه ..

تاريخ التسجيل : 13/08/2012

انتظرتك .. عمري كله .. وانتي حلم

ومرت الايام والله .. وانتي حلم..

ليه تأخرتي علي ..

توهي مره واسالي

كوني في غير الزمان .. والا في غير المكان

كوني عمري .. عمري كله..

اللي باقي .. واللي كان..

انتظرتك عمري كله .. وانتي حلم ..

كل نجمه شعشعت والقلب عتمه .. كانت انتي ..

كل حرفٍ حرك شفاهي بكلمه .. عنك انتي ..

وكل حبي إللي مضى والحب قسمه .. منك انتي ..

كانوا الاحباب ظلك .. بعض احساسك ونورك ..

ما عرفتك يوم كلك .. ياللي في غيابك حضورك ..

انتظرتك عمري كله .. وانتي حلم ..

........................ هذا إنتي .. قولي والله إنه إنتي .. !

وين غبتي ؟! .. عني هذا الوقت كله ..

وين كنتي ؟! ..

شيبت عيني طيوفك .. وما أصدق إني أشوفك ..

ياللي قلبي في كفوفك .. نقش حنا ..

وفي جديلك عطر ورد ..

آتمنى .. لو تكوني في فراغ اعيوني وعنى

وفي سموم ضلوعي برد ..

ليهْ تأخرتي علي ؟

وما طرى لك تسألي ..

ليه تأخرتي علي .. وما طرى لك تسألي ..

إنتظرتك عمري كله عمري كله

و

إنتِ حِلِمْ

» ياهم إن لي رب عظيم (مدونة آسلآمية)
» بدر بن عبدالمحسن ياسيد الناس