مدونة البدر الشاعر بدر بن عبدالمحسن

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

عذبيه.. إسعديه..

داوي قلبي واجرحيه ..

واللي ما مثله ابد .. مثلي ما حبك احد

ولو رضي قلبي بغيرك..

ما أبيه .. ما أبيه

تملكيني لوبـغيتي .. تملكيني لو رفضتي

تسحريني لو حكيتي .. تسحريني لو سكتي

أنا نجمه في مدار ك ..

ضي عيني من نهارك ..

وانتي قلبي واللي فيه

لو رضي قلبي بغيرك ما أبيه..

انتي اغلى من هجرني .. وانتي اجمل من يغيب ..

والله لو بعدك قهرني .. ما أبي غيرك حبيب ..

سافري والقلب دارك ..

راضي بـ ثلجك ونارك ..

حبي قلبي واكرهيه ..

لو رضي قلبي بغيرك.. ما أبيه

أنا أحبك لا تخافي .. الا قلبك لو هواني ..

هذا ضعفي واعترافي .. بس ما ارضى هواني ..

ابعدي هذا قرارك ...

ماني سجنك أو حصارك ...

روحي سوِّى اللي تبيه ...

لو رضي قلبي بغيرك .. ما أبيه

واللي ما مثله أبد .. مثلي ماحبك احد

تاريخ التسجيل : 13/08/2012

ما نشدت الشمس عن حزن الغياب

علمتنا الشمس نرضى بالرحيل

كل يومٍ يغرق الضي افـ عباب

ما سمعنا ناعي ٍ .. مابه عويل

وما هقيت الموت يجرحني جواب

لين شفتك في سما عمري اصيل

علميني ياللي كفوفك سحاب

وابتسامك غيث واهدابك نخيل

وش أسوي لا دخل فصل الضباب

وكفت عيوني وضيعني الدليل

حاجتي والشيب بهديني الصواب

حاجتي لك ما مضى افـ عمري حصيل

آه يا سلمى مضى وقت العتاب

والحديث اللي باقوله لك طويل

اعتذر يمه حصل مني غياب

واعتذر ازريت لا ارد الجميل

من يجازيك وعطاياك الشباب

والله العالم ترى ماني بخيل

يوم انا عاري غديتي لي ثياب

وان شكيت الضر شافيتي العليل

ويوم كبر الطفل ولمتي الزهاب

كل ما في الكون من طبعٍ جميل

هي درت حايل وهذيك الهضاب

عن غيابك هو درى الروض المسيل

بنت من لا ثوروا فوق الركاب

ما يباريهم سوى نصل وأصيل

واخت من لا كسرت سمر الحراب

من عنيف الطعن ردوا للصقيل

وام من جدانهم مثل الشهاب

كاسبين المجد من جيلٍ لجيل

يالله المطلوب يا جزل الثواب

تجعل الجنة لها ظلٍ ظليل ..

تاريخ التسجيل : 13/08/2012

القصيده للفريد في روعته .. بدر بن عبد المحسن

هذي القصه يقول احدهم:

كنت كل ما اشوف هالانسان اقوله بيني وبينه وشلون قلبك (( الخـواف )) ...!

كان دايم يرد علي:

نحن السابقون وانتم اللاحقـون...!

اليـوم ذكرته بالسالفه ...!

قال:

تصدق على ان لها 22 سنة الا اني مستحيل انساها واذكر تفاصيلها ...!

سنة 1985 كنت ايامها ادرس في امريكا ولي سنتين ما طلعت من امريكا

وقررت وقتها اروح اشوف الاهل في جينيف...!

ما كنت اتصور ولا اتخيل اني باشوفها هناك لان كل اخبارها بعد زواجها انقطعت عني

وانا انشغلت بدراستي ...!

يومها رحت لجينيف وانا مشتاق اشوف الاهل هناك...!

لكن من ثالث يوم وصلت الا وتلمح عيوني زولها اللي ما غاب عني طول ايام غربتي...!

وقفت في مكاني وتمنيت ان الزمن يشاركني الوقوف...!!

حاولت ابتسم حاولت اقرب منها واسلم عليها لكني خفت ...!!

لقيتها تبتسم لي...!

تشجعت اقرب منها بس تذكرت انها صارت مثل السراب لي وانا العطشان...!!

وقتها ما عرفت وش اسوي اكلمها بس اخاف ان زوجها موجود معها لقيت اختها تجيها ويمشون وتلتفت لي بنظرة

فيها وله وشوق...!!

بعدها بيومين وانا راجع الى الاوتيل لقيت رسالة من الرسبشين

وكانت منها تقول انتظرني الساعه 2 صباحا راح اكلمك...!!!

وقتها فرحت وبنفس الوقت خفت اكثر ما ادري وش بقول

ولا وش صار لها ولا وش تبي تقول...!!

مرت علي الساعات كنها سنين وانا انتظر رنة اتصالها...!

اول ما سمعت صوتها قلت لها وحشتيني...!

ردت علي وقالت تدري انك ما غبت عني لحظة وحده...!

تكلمنا كثير وبكينا وضحكنا وقالت لي انها شبه منفصله عن زوجها

وانها تعبت كثير معه حيث انها لا تشعر له بأي مشاعر

وغصبا عنها تصبر وترضى بقدرها كيف وهي صارت ام الان...!!

اهم شيء وقتها طلبت مني انها تشوفني...!

حاولت اتعذر وابرر لها ان هذا الشيء ماينفع خلاص ولا راح

يفيدنا بالعكس راح يتعبنا اكثر...!

لقيتها تقول (( عطني من ايامك نهار وباقي العمر للي تبي ))...!

خلاص قلت لها اشوفك بعد بكره...!

ويوم قفلت السماعه منها وانا اتذكر اول مره سمعت صوتها

واتذكر احلى ايام عمري و اول شبابي...!

واذكر ايام انكساري معها وحرماني منها ...!

واذكر رحلتي لامريكا وذهابي الى ابعد مكان عنها عشان انسى اللي صار

واتحسب على اللي ابعدني عنها وعن الظروف اللي حرمتنا من بعض...!!!

ويوم قرب الموعــد لقيت قلبي (( الخواف )) يقلب علي المواجع

ويقول لي البعد احسن لك من انك تعيش فرحة مزيفه

وتاخذ مكان غيرك وترجع منكسر ثاني...!!

وقتها وقفت بي خطاي عنها وما رحت ...!

وفي الليل كلمتني تعاتبني قلت لها ما قدرت خفت وكرهت اشوفك

واجلس معك وانتي خلاص صرتي لاحد غيري...!!

بعدها بكم يوم شفت بدر بن عبدالمحسن وكان تربطني به صداقه على انه اكبر مني ...!

قلت له وقتها القصة كلها والاحداث وش قلت وش قالت لي...!

لقيته يقول لي يا قلبك (( الخواف ))...!

بعدها بيومين تعشيت مع البـدر سوا ورحنا نحضر حفلة محمد عبده

وغنى يومها لاول مرة اغنيته الشهيرة (( المعازيم ))...!

كنت اسمع محمد عبدة يقول (( محبوبتي معزومة من ضمن المعازيم ))

كنت اتلفت في الحفلة يمكن تكون موجودة...!!!

وبعد الحفل لقيت البدر يتكلم عن الاغنية انها رائعه و وافقته الرأي...!

قال لي انت يا (( الخواف )) كتبت قصيدة عنك...!

لقيت البـدر يعطيني ورقه من اوراق البوريفاج مكتوب في اولها...!!!

(( لا تسرق الوقت من غيري .... انا مابي زمن غيري ))...!!

لقيت نفسي وعمري واحلي ايامي في قصيدة...!

تسرق الوقت من غيري .. أنا مابي زمن غيري

لا تسرق العمر يا طيري .. مدام قلبك لأحد غيري

عطني من أيامك نهار .. و باقي العمر للي تبي

ما به فرح يا معذبي .. و إنت لأحد غيري

ناظر وعدنا طاف .. في اللي درى و من شاف

يا قلبك الخواف

يا صاحبي الخوف .. ما يطمن الخوف

لا تلمس الجوف .. و إنت يدينك بارده

و الفرقى دايم وارده .. إنت و أنا بنفس الطريق

بس الخطى متباعده

لا تسرق الوقت .. يا أجمل الوقت ..

تكذب علي .. و أكذب عليك

و القى الدفا .. برعشة يديك

تاريخ التسجيل : 13/08/2012

بعض من رسومات البدر

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

من .. ؟

من يكتب عينيك على شفتي رواية لا تمل ..؟

من يرسم على كفي وجه عطرك الذي لا يزال .. ؟

من يضبط أنفاسي على إيقاع خطاك .. ؟

من يغلق جفني على طيفك نافذة ويفتح أفكاري باب .. ؟

من ينثر على وسادتي أشواك غيابك وجمر انتظاري ..؟

شكراً لمن أحبني إلى هذا القدر

ليخصني بمحبتك .. !

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

[ يا ويلاه ]

[ يا ويلاه ]…يا ليالي ..

الزمن ..ما خلا [ غالي ] .. يا ليالي

طال صبري .. واحتمالي .. يا ليالي ..

والزمن ما خلا [ غالي ] .. يا ويلاه ..

[ مري يالريح الحزينه عند بابه ] ..

قولي ضاقت بي[ المدينه من غيابه] ..

قولي ضاقت بي الليالي [ يا ليالي ] ..

والزمن ما خلا غالي .. [ يا ويلاه ]..

كان[ حبيبي] واللي باقي ليّ .. [ ذكرى ]

كان [حبيبي] واللي نسى عمري بكرا ..

كان [حبيبي] يا ليالي .. والزمن ما خلا غالي ..

عللي [الدمعه العنيده بالاماني] .. ياهوى

واخدعى الروح الشريده لا تعاني فـ النوى ..

من [عذابي في الليالي ].. ويازمن [خلي لي غالي بس غالي]

يا ويلاه …

ليل الهوى … يا ما على [الدرب عشاق]

[نار العواطف الهبتني ليالي]

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

للحقيقة أنا أوجعت , أكثرمن ما توجعت

وجرحت , أكثر من ما أنجرحت !

واعتذاري … أكثر من لومي

لكن هذا ما حرمني نومي

ولا أثقل ضميري ,

والسبب إني ما كنت البادي , في عمري

والأكيد من كسر ظفري !

كسرت اصبعه ,

هاذي الحقيقة المفجعة !

للأسف … ما كان عندي الجزاء من نوع العمل : )

ولكن الذي حصل !

أما عن الناحية المشرقة من القمر ,

أنا أحتفظ بالجيد من الذكريات ,

والصور ,

وكل مؤلم يبهت في ذاكرتي وينمحي ()

تدري !

الانسان اذا كان ما يستحي إنه يقول أخطيت ,

دايم ذكرياته جيده

تاريخ التسجيل : 13/08/2012

الجنون عيون وعيونك وطن والوطن من غير عينك وش يكون

لا شوارع لا اماني لا سكن لا حياة ولاممات ولا طعون

تبي الحقيقةانت بلحالك زمن داخل زمن

تاريخ التسجيل : 13/08/2012

البدر يرثي الفقيد سلطان بن عبدالعزيز

تبسّم يا سنين من المحبه و العطا و النور

تبسّم .. لا تصد .. ولا تمن بضحكتك ليله

ابجلس عند ركبت من يغيث الباكي المقهور

و ابسمع منه ما يطفي لهب قلبي و ياوي له

انا قلبي حزين و خاطري يا سيدي مكسور

رحل سلطان .. يا سلطان من غيرك ابشكي له

طلبتك هالفراق و غيبتك و المجلس المهجور

و صوتك و الضيا في لهفتك تشعل قناديله

طلبتك و العطا يسبق يمينك و السجايا بحور

وانا ادري اللي كتبه الله علينا صعب تبديله

الا يا سيدي خجلا القصايد .. خادمك معذور>

رثاك الشاعر اللي لو لمحته كان ترثي له<

رحل سلطان .. عبدك يا الكريم المانع المشكور

رحل لحماك .. يا رب السما ترفع منازيله

الا يا الله تجعل ذنب سلطان السخا مغفور>

و يفرح في نعيمك من جميع الناس تدعي له

سكنّي الحزن كلّي ما ترك قلب و نظر وشعور

طواني الهم كلّي .. سيدي ما في يدي حيله

و ليته لا رحل مثلك حفرنا في السحاب قبور

و عشنا في رجا وسمٍ نشوفك في مخاييله

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

يا المنادي في الطريق وش تبيع !

ب شتري عمري العتيق لو تبيع ؟

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

…….. ابوعدگ ~
گآن الطريق بَ يبعدگ !

…………………… |[ بمشيَّ معگ . .
وگآن آلجحود بَ يسعدگ -» (مآليّ رفييق )
ابجمممع اورآق السنين [ واودعگ ]
………………………….. [ واودعگ ]
وگآن الفرآق إلليّ تبي . .
آلله معگ ..!!

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

على الوساده شرايد نوم ..

ومن ماترك خلي الجافي

لعل تالي سهرك اليوم ..

ياعين واللي مضى كافي

هجرت هم وطويت سقوم ..

ودخلت فالمخدع الدافي

وساعة غفى جفني المحروم ..

ورميت حملي على اكتافي

حلمت باللي هواه حلوم ..

يصب جمر على اطرافي

وانا احترق يالله المقسوم ..

واطفي النار بلحافي

يازين للعاشقين سلوم ..

وغاديك تحكم بالانصافي

هو ينعدل لاشقى مظلوم ..

او يشكي السقم متعافي

ماشفت جرح عليه هدوم ؟ ..

هذا انا البين الخافي

تاريخ التسجيل : 13/08/2012

ابيات للبدر لم تكتمل ..

.
.

سلطان طيب كلمتينٍ لها عطر

 زهر الرياض وصوت ما ينثر الغيم
 
سلطان طيب .. واكتبوا ياهل الشعر

 ديم من الفرحة لمن جوده يديم

  ***

  شوكٍ منابته الورق لا تمسه

احذر قصيدي لا يجرح اناملك

 و رمل قصيدي هالكٍ من يعسه

لك بصحرا من دخل رملها هلك 

دور كلامٍ يعجبك ما تحسه

حكيٍ خروجك منه يشبه مداخلك

  ***

الطريق الليله خالي .. و المدى حب و غزل
 
ردي شباك الليالي .. و اقفلي باب الملل
 
و طفي الظلما .. و تعالي 

  ***

احرق مكاتيبي و انساها يا حبيبي
 
ماهي حروف ولا ورق 

اللي التقى و اللي افترق

 صدقني قلبي اللي احترق 

ماهي مكاتيبي

  على السحاب و على الصحو
 
كل الحروف اللي انمحو

  ***

هذا الصخر مثلي

و هذا الشجر مثلي

نحيا و نموت في نفس المكان

نويت اسافر من زمان ..

و كل اللي ودعتهم ، سافروا قبلي

  ***

تمنيته وتد .. يغرس ..

في كل الموج .. لا يرتد ..

وحبل يشد ..

على يدين البحر .. يربط ..

كرهت البحر ..

وأحاسيس الجزر .. والمد

  ***

نستاهل الحب.. ونستكثر العطا

 ماهو صحيح .. ولا عدل

 لا تزعلي ..
 
هذا العتاب المر لي
 
إنتي الصواب وانا الخطا

.
.

جميلة هي دون اكتمال

بل هي مكتملة

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

يِذَكِرْنِيّ اْلقَمَرْ ظِلِكْ عَجَبْ يالِليّ ظِلاَلِكْ نُوٌرْ

واَنا الِليّ مَاعَرَفْتُ اللّيِلْ لَوْلاَ عِتْمَة أهَدَابِك . .

تاريخ التسجيل : 13/08/2012

قصيدة رديني

وظهرت من عيونك .. ليلة..
ل هاالدنيا.. لليل والنهار..
كانت السما زرقا داكنه .. ما تغيرت ..
والمباني ساكنه ..الا على الما ..
وفي قلوب الصغار ..
كان الطريق خالي ..
وأحجار الرصيف تكسرت ..
وقلت مساحات الخضار..
وكن الدروب تكورت .. على المساكن ..
مدري من البرد ..اومن قلة الأحباب
لكن .. بقى لون الغبارالداكن ..
وصوت الفراغ في الدروب ..
ظهرت من جفونك ليلة عيونك نثرت..
دمعك.. وقلبي..
ليلة تجرحناالعتاب..
ما اكذب عليك .. كنت مشتاق ليلتها وربي ..
لبيتي .. ولغرفتي .. ولمكتبي مشتاق..
لأقلامي .. والأوراق..
ولقيتها مثل ما كانت .. تحت الغبار ..
حلم وقصيد من شرار..
ومفرش محروق..
وزرع يبس وعروق .. وفجر بلا أبواب
ووسادةٍ ياما ليالي استكثرت..
نومي عليها.. ما تغيرت
رديني لعيونك .. أرجوك رديني ..
مابي أحد .. ما بيني
ابي عيوك بس ..
تكفيني .. تكفيني .. تكفيني

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 13/08/2012

((الفجر البعيد ))

نامت عيونك

وصحى الليل مظنونك أغاني

قصّت جناح الثواني غيبتك

وصارت الساعة أماني

وآهـ ..آهـ

أنا حروفي في غيابك

لا هي حكي ولا هي قصيد

أكتب الظلما وأعيد

وإنت يالفجر البعيد .. نامت عيونك

إسهر معي ليلة

حاول تحس بلوعتي ليلة

عد النجوم وش كثرها.. ياللي بقلبي كثرها

نام .. القمر فـ وسادتك نام

ليتك تغير عادتك

خل القمر ليله.. يسهر معي ليله

أنا حروفي في غيابك

لا هي حكي ولا هي قصيد

أكتب الظلما وأعيد

وإنت يالفجر البعيد.. نامت عيونك

يا ساحر البسمه .. أساهرك نجمه

وابسمعك كلمه .. كلمه و لو كلمه

قم نادني .. يالله عسى تحتاجني

وإن مر ليلي ما سألت

وإن زاد ظلمك ما عدلت

آهـ.. آهـ

أنا حروفي في غيابك

لا هي حكي ولا هي قصيد

أكتب الظلما وأعيد

وإنت ياالفجر البعيد.. نامت عيونك

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 13/08/2012

لا إانتي وردة ولا قلبي مزهرية من خزف

صدفه وحده جمعتنا شوفي وشلون الصدف

التقينا في مدينه وفرقتنا الف ميناء

اغفري للريح والموج والسفينة

كانت الرحلة حزينة للاسف

كنت أحلم لما ناديتك بسافر

مع عيونك في شعاع الفجر باكر

والله اعلم إني صادق

كنت أحلم إني عاشق

لاأخاف ولا أضيع ولاأفارق

ويش اقول غير إني آسف ويش اقول

انا خانتني العواصف والفصول

آه ياتعب المسافر

في أراضي الجرح و في دمع المحاجر

مالهذا الحزن آخر او لهذا الجرح آخر

ياشمسي الأخيرة في اللحظة الأخيرة

أنا لي كلمة أخيرة

إغفري لي إبتسامي قبل جرحي

حاولي تنسي كلامي قبل صمتي

ولو زعلتي ياأعز الناس إنتي

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

أنآ الجفآ آ آ ليه أخآف النآس تجفآني

وأنآ الحبيب الذي من يعشق عيوبه ‘

رآعي الوعد وأن صدق مره ولآقاني

يحتآر بين السرآب وَقلب محبوبه ‘

يآمن ( عذآبه ) يشققني ويرفآ آ آ ني

فرقآك غصب علي بالحيل مكتوبه ‘

خبرت نصف تعب من نصفه الثآني

بعضي الرمآد وبعضي نآر مشبوبه ‘

تاريخ التسجيل : 13/08/2012

قصيدة : بكا ريح على صدر ديجور

في رثاء والدته الأميرة وضحى الحمود الرشيد - رحمها االله

طيري عصافير السحر عن هدبها

عينٍ تخم النور .. من قلة النور

كود الظلام اللي علق في عصبها

وعروقها تبكيه حسرات وغرور

الله .. مااثقل جفنها وإن جذبها

برقٍ لمحت فـ ضيه اكفان وقبور

على الدروب اللي عشقنا تعبها

لين اقفرت من كل حيٍ ومعمور

كنه يلج بوسط سمعي صخبها

أو هو بكا .. ريحٍ على صدر ديجور

طيري عصافير الهوى اللي شربها

غدير .. واسقاها من أوهامه بحور

يكفي عن أحلام الحياة وطربها

لو ساعةٍ ببكي على ساعة قصور

أصيح شمسٍ ما تمن بذهبها

تنثره قلبٍ صادق .. ودافي شعور

والا النهار اللي عيوني حربها

اقبالته لحظه.. وغيباته دهور

أصيح عسبان الحياة ورطبها

أو حبها اللي توَّه اليوم مبذور

والا الضلوع اللي حنيني كتبها

شعرٍ قراه الصبح غامض ومكسور

اصيح من باصيح واغلى عربها

شدوا زمان الشوك باعشاب وزهور

يا حيف وضحى نور عيني جنبها

وخذت غياب الشمس من مرتع الزور

وخذت وعقرت مهرتي في طلبها

وقفت .. ودمعي في محاجره .. مذعور

ما غير أناظرها ويصغر لهبها

لين إنطفت ناديت يا سعود ماجور

خذها الذي من فيض جوده وهبها

يوم لنا رحمة.. وظل .. وذرى سور

ياعلها عنده بعالي رتبها

عند الذي نزه مقامه عن الجور

وطيري عصافير السحر عن هدبها

عينٍ تخم النور .. من قلة النور

تاريخ التسجيل : 13/08/2012

كلنا عشاق لكن .. أنتي لا ماأنتي معايا ...

لما تجمعنا الأماكن .. تأخذك مني المرايا ...

أنتي مشغولة بروحك .. ما ملك قلبك وروحك ...

لا أنا ... ولا سوايا ...

كلنا عشاق لكن .. كل واحد له حكاية ...

أعطي ظهرك للمرايا .. وشوفي غيرك ...

أظهري من ليل كحلك .. ومن أساورك وحريرك ...

أفتحي الشباك مره ... شوفي الناس بالشوارع ...

وش كثر هاالغربه مره ... للي وسط الزحمه ضايع ...

أنتي مشغولة بروحك .. ما ملك قلبك وروحك ...

لا أنا ... ولا سوايا ...

كلنا عشاق لكن .. كل واحد له حكاية ...

كلنا عشاق لكن .. كلنا نحبك .. نحبك ...

وأنتي جرحك فيني ساكن .. وأنا جرحي برا قلبك ...

أمشي لو نصف المسافة .. وقفي بينك وبيني ...

أكسري كل المرايا .. أنتي أجمل وسط عيني ...

ياللي مشغولة بروحك .. من أخذ قلبك وروحك ...

لا أنا ... ولا سوايا ...

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

تعبت أناظر فوق و أتعلق بـ شوفـي !

... . . . . . .تحتي الثرى مشقوق وهمك على كتوفـي!

ولاتناظرين بعيد و بلادي فـ : عيونك !

... . . . . . .توي قطعت البيد لـ : رضاك و: بدونك !

ماعاد فيني إعروق ودمي على سيوفـي !

... . . . . . . لا تمطريني ورد مشقوقه كفوفـي !

مثل الثرى و القلب قمح ونخل محروق !

... . . . . . .... . . . . . .وجدراني حروفـي !

تعبت أناظر فوق !

تحتي الثرى مشقوق !

قمح ونخل محروق !

ماعاد فيني عروق !

...........ماتنزلي ل خوفـي !؟

تاريخ التسجيل : 13/08/2012

[ندعوك للتسجيل في المنتدى أو التعريف بنفسك لمعاينة هذه الصورة]

مابقى لي قلب يشفع لك خطية..!!

......................ذوبته جروح صدك والخطايا..!!

صاحبي بالله لا تعتب عليه..!!

......................العتب ماعاد تاسعه الحنايا..!!

كل جرح فات لي منك هدية..!!

......................وش بلاك تخاف من رد الهدايا..!!

الله أكبر كيف مالك مقدرية..!!

......................وكل ماتحمله من همي بقايا..!!

لاتمنيني سراب المهمهية ..!!

......................القراح اليوم مايروي ظمايا..!!

وإن غدى للـ حب فـي قلبكـ شظية ..!!

......................وش يقول اللي غدى قلبة شظايا..!!

تاريخ التسجيل : 13/08/2012

ثقلت خطاي وكن الايام فوقي
صخر الجبال وتحتي الريح والعج

لا والله الا صار ما ارجيه عوقي
غير الذي عن طلبته ما اتحرج

يالله يا مضوي السما بالبروقي
ويا مخرج وبل السحابه من اللج

تمطرني برحمتك وتفك عوقي
وتجعل لي من الضيقات والهم مخرج

انا مثل حر تخاطه سبوقي
يد العمر والياس والحظ الاعرج

كم غارة صاليت وافتك نوقي
وكم طعنة عانيت من غير ما احتج

ويا ما رفيت من الليالي فتوقي
ويا ما عطيت وللعطا كنت الاحوج

مرحوم يا من شيمته في عروقي
دم ..وفي فكري سجاياه منهج

مشيت دربك لين وقف خفوقي
من التعب ما ابعدك يالفجر الابلج

تاريخ التسجيل : 13/08/2012

قصه أغنيه المسافر لراشد الماجد... فعلا حزينه

في يوم من الايام جاء شاب اعمى ودخل على الشاعر

الامير بدربن عبد المحسن وقاله قصته...

كان خالد و ساره يشكلان أحلى ثنائي على وجه الأرض

وكانت السعاده تغمرهم من كل جهه ولاكن كما نعلم السعاده لاتدوم

يقول الشاب انه يحب بنت عمه موت وراح خطبها من ابوها

طلب منه مهر خرافي او ما ياخذ بنته

وبما ان الشاب يحب بنت عمه راح وجمع الدراهم الي يبيها عمه

ورجع تقدم لها مرة ثانية

رفض بشده بإحتجاج أن قبيلته لا تؤمن بالحب قبل الزواج

فعاد خالد با ئسا لايعرف ماذا يفعل ومانهاية هذا الحب

وعندما علمت ساره عن رأي والدها أصيبت بخيبة أمل

البنت من كثر ما تحب ولد عمها والاب حارمها ياها المرض

الخبيث الله يكفينا شرررره جميعا فمرضت بعدها وعرضت

على أكثر من طبيب ولكن دون جدوى

فكان علاجها يستوجب السفر إلى الخارج

وفي هذي الحظة حس الاب انه غلطان وندم

وقرر انه يعالجها بس البنت رفضت العلاج

وقالت وشالفايده اعالج وليه اعيش من دون ما اخذ الي ابي ؟

الاب وعدها ان شفت راح يعطيها الي تبي

فرحت البنت وخلاص تبي تسافر

المفاجأة

وفي الطائره توفت ساره وعندما علم خالد ولد عمها عن وفاتها

لم تتوقف عيناه عن البكاء حتى إختفى لون عينه

وصار اعمى؟

كتب الامير كلمات تشيب الراس صراحه

وهي كلمات المسافر راح

اسمعوها وخصوصا لما يقول

يا الله يا قلبي سرينا ضاقت الدنيا علينا

وبعد

لما يقول

هذا وجهك يالمسافر لما كانت لي عيون

وينها عيوني حبيبي سافرت مثلك حبيبي

يقصدعندما يتذكر خالد وجه محبوبته ساره أنه صار أعمى

**********

وهذه الكلمات التي تمثلها

**********

لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
القطار وفاتنا
والمسافر راح

مادري باكر هالمدينة وشتكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي
سافرت مثلك حبيبي
القطار وفاتنا
والمسافر راح

تاريخ التسجيل : 13/08/2012

يطري عليه الوله واطري على باله

يا مرحبا لي ضوى خلي على بابي

هجيت حدب الضلوع ونوخ جماله

لجله بكيت دمعتي ولجله ضحك نابي

كل ما ضحكلي لمح النور فماله

ولا تجت همسته السقم في ثيابه

كل ما شكى من على همه وغرباله

اقول له عن جرحن من اسبابي

طال الحكي ما لقيت الوصل في وصاله

لا اني حبيبه ولا اهو اقرب اصحابه

ناديت له لا مني حزين وحالتي حاله

يكفيك همك وانا بصبر على بابي

لو للشجر له نسيم تباري ظلاله

ما حرق القيض جفني وانت فهدابي

يالبيييه على عبدالكريم صووت خراافي وربي

» ياهم إن لي رب عظيم (مدونة آسلآمية)
» بدر بن عبدالمحسن ياسيد الناس