قصه اغنية الذاهبة لشاعر ناصر القحطانى

الاداره تاريخ التسجيل : 09/12/2011

هآي حبآيب
تعرفون آغنية آلذآهبــــــــــــــه..؟وش قصتهآ..؟
قريت آلموضوع آثر فيني وحبيت آنزله لكم
كان لخالدعبد الرحمن صديق عزيز عليه اسمه ناصر آللي هو مشهور آلحين آلشآعر لناصر آلقحطآني

ومازال صديقه إلى الآن كان ناصر

يحب و حده اسمها العنود وانتهت قصة حبهم بالزواج

و حملت العنود و يوم ولادتها

توفت اما الجنين عاش و لماعرف

ناصر بالخبر تأثر حيل وتعب نفسيآ
وآعتزل آلنآس لفتره طويله وعآش بحآله نفسيه صعبه جدآ

وكتب قصيدة الذاهبة</A>ا.

و لو دققتوا في الأغنية في بيت مكتوب بأسمها:

والعنود إللي جفيت الناس و الدنيا بعدها

يوم خلص ناصر من كتابة القصيدة أعطاها خالد يقراها

عجبت خالد وطلب من ناصر انه يغنيها رفض ناصر

و ما وافق الا بعد ما ترجاه خالد أكثر من مرة.

أبي اقول لكم بيتين عجبوني في القصيدة :

(والعنود إللي جفيت الناس و الدنيا بعدها

مدت الفرقا اغاليها و هي تعطي الثمينة

وينها كيف اتركتني ليه ما جت في و عدها

و القمر لا طل خبرها تجي بيني و بينه)

العنود الي جفيت الناس والدنيا بعدها واضح ان اسمها العنود مدت الفرقا انها ماتت

وهي تعطي الثمينه يقصد في الثمينه ولدها البيت المذكور فوق معناه انه

يقابلها اذا كان القمر كامل وانتظرها لمن اكتمل القمروماجات والمقطع الي يقول

و القمر لا طل خبرها تجي بيني و بينه بين انه القمر في منتصف السماء

اما كلمات الاغنيه هي :

الله اللي راد والعقده قضاها اللي عقدهــا

لا على الدنيا السلام ولا لباقي العمر زينه

الفضا ما كنه الى خيمة طاحت عمدهــا

والفرح ما كنه الى شيخ انقصت يدينه

والعمر قطعة زجاج انكسرت ولا طال امدهــا

والعرب في العيد بدموع اليتامى مستهينه

والشوارع لفها ثوب الظلام اللي هجدهــا

والبيوت اطلال من عقب المحبه والسكينه

والشتا والليل والبرد والسما يصرخ رعدهــا

والعيون اللي ورا الشباك مذعوره حزينه

طولوا في الكهف الأصحاب وبقت روحي وحدهــا

كنها في كوكب ثاني خلا من ساكنينه

الوداع اللي بعلم العين يعبر من رمدهــا

والوداع اللي بلا علم القفا الصدري غبينه

والوداع اللي بلا رجعه عليّ أمر وأدهــا

والله انه غرغرة سم وسكاكين سنينه

والعنود اللي جفيت الناس والدنيا بعدهــا

مدت الفرقا لغاليها وهي تعطي الثمينه

وينها كيف اتركتني ؟ ليه ماجت في وعدهــا ؟

والقمر لا طل خابرها تجي بيني وبينه

رحت انادي واتلمس في مهب الريح يدهــا

كني احصان بلا صاحب طوى البيدا حنينه

رحت أصيح الصبح وينه ؟ والعرب ما رد احدهــا

ما سمعت إلا صدى صوتي يقول الصبح وينه ؟

كنهم من يوم ذيك الشمس غابت عن بلدهــا

طلعوني في النفود وصكوا ابواب المدينه

كنهم من يوم ذيك الذاهبه محد وجدهــا

كل رجال من الشرهه قلع في الدرب عينه

أثرها ماتت وماتت كل فرحه في مهدهــا

والربيع اقفت به اللي كانت التاج لجبينه

جاورت عقب الحدايق حفرة مقسى لحدهــا

حفرة ماني مصدق كيف ضمت يا سمينه

للحزن فيني مثل ما لطهاره في جسدهــا

ويش اسوي لا فتشت اللي لها وسط الخزينه ؟

زخربت حلم وبنت له مسكن وسمت ولدهــا

آآه لو غرد ولدها في خميلة والدينه

عاهدتني وظفرت بيمين أقوى من عهدهــا

والصبي لا خير فيه كان ما نفذ يمينه

ما تتقى عن رثاها عرق أقتض بشهدهــا

ولا تبقى خلف قضبان الجفن عذراء سجينه

كيف عند العالم ايام العزاء محصى عددهــا ؟

ولا انا طالت شهوره والله اعلم كم سنينه

لا الثرى فيها نبات ولا المشي خفف نكدهــا

لا السما فيها طيور ولا البحر يمه سفينه

لا القمر هذا مساه ولا العصي هذا رغدهــا

لا الزهر هذا شذاه ولا الذهب هذا رنينه

قالوا الشيخ الفلاني مرجع القوم وسندهــا

قال يبشر با العوض والعلم جينا ناقلينه

ساق لك بدر البدور اللي نشدها من نشدهــا

جادل هزت عروش وخيبة روس ذهيله

قسمها في رسمها في جسمها الافي رشدهــا

واسمها انجال الغضب قومه على الالسن رطينه

أترك الناي وعطية شيخنا غنى لسعدهــا

وانبسط يا عم ونسى اللي ورى التربه دفينه

قلت ولصدري تناهيد تروع من شهدهــا

آآه وا ويلاه من يجذب على قلبي ضنينه

خلوا اغلى ذاهبه ترعى ربيع اللي فقدهــا

والعطا راعيه محدن صوبه الله لا يهينه

لو ظمنت الجنه تفاحة القلب وشهدهــا

قلت من بكره عسا مجنونها تاقف سنينه

آتمنى يروق لكم

الاداره تاريخ التسجيل : 13/04/2012

جرح

[ندعوك للتسجيل في المنتدى أو التعريف بنفسك لمعاينة هذا الرابط]

الاداره تاريخ التسجيل : 01/12/2011

الفضا مـا كنـه إلا خيمـة طاحـت عمدهـا
والفرح مـا كنـه إلا شيـخ إنقصـت يدينـه

لا هنت ياجرح البقايا على النقل

الرائع لشاعر الاندلس ناصر القحطانى

وهو يعتبر أثقف شاعر على الساحه الشعبيه

تقبل تحياتى: